POWERED BY guruvayoorOnline.com

the digital signature of the temple city

ശ്രീ വിഷ്ണു സഹസ്രനാമാർച്ചനയും, ഗീതാ യജ്ഞവും; ഭഗവത് ചൈതന്യം നിറഞ്ഞ് ഗുരുവായൂർ ക്ഷേത്രത്തിലെ ആദ്ധ്യാത്മിക ഹാൾ!

ഗുരുവായൂർ: ശ്രീ വിഷ്ണു സഹസ്രനാമ ഭഗവദ് ഗീതാ മഹാത്സവത്തിന്റെ ആറാം ദിവസമായ ചൊവ്വാഴ്ച കാലത്ത് മാനവേദ രാജയുടെ കൃഷ്ണ ഗീതിയെക്കുറിച്ച് പെരിഞ്ചേരി നാരായണൻ നമ്പൂതിരിയും, ഭാഗവത ദശമസ്കന്ദത്തിലെ യുഗളഗീതം എന്ന വിഷയത്തെക്കുറിച് അടുക്കം മണിക്കണ്ഠൻ നമ്പൂതിരിയും പ്രഭാഷണം നടത്തി.

The New India Assurance Co. Ltd - Portal Office Manathala-Chavakkad. Call 9747958887. Chat on WhatsApp.

തുടർന്ന് ഭഗവദ് ഗീതാപ്രഭാഷണ പരമ്പരയിൽ ഗീതയിലെ 11, 12 , എന്നീ അദ്ധ്യായങ്ങളെക്കുറിച്ച് ആചാര്യൻ ഗുരുവായൂർ പ്രഭാകർജിയും പ്രഭാഷണം നടത്തി.

യജ്ഞോത്സവത്തിന്റെ ഏഴാം ദിവസമായ ബുധനാഴ്ച (23/09/26) കാലത്ത് 7 മണിക്ക് ഗുരുവായൂർ കെ ആർ രാധാകൃഷ്ണയ്യരുടെ പ്രഭാഷണവും, കാലത്ത് 10.30ന് ഭാഗവത ദശമസ്കന്ദത്തിലെ ഭ്രമരഗീതം എന്ന വിഷയത്തെക്കുറിച്ച് ഗുരുവായൂർ മണിസ്വാമിയുടെ പ്രഭാഷണവും നടക്കും. ഗീതയിലെ 13, 14 എന്നീ അദ്ധ്യായങ്ങളെക്കുറിച് ആചാര്യൻ അടുക്കം മണിക്കണ്ഠൻ നമ്പൂതിരിയും പ്രഭാഷണം നടക്കും.

സെപ്തംമ്പർ 17-ാം തിയ്യതി മുതൽ ഗുരുവായൂർ ക്ഷേത്രം ആദ്ധ്യാത്മിക ഹാളിൽ നടന്നു വരുന്ന, ശ്രീ ഗുരുവായൂരപ്പൻ ഭജന സമിതിയുടെ നേതൃത്വത്തിലുള്ള 52-ാമത് ശ്രീ വിഷ്ണു സഹസ്രനാമോത്സവവും 45-ാമത് ശ്രീമദ് ഭഗവദ് ഗീതാ യജ്ഞവും സെപ്തംമ്പർ 28 ന് സമാപിക്കുമെന്ന് സംഘാടക സമിതി ഭാരവാഹികളായ മേച്ചേരി കേശവൻ നമ്പൂതിരി, മഞ്ചിറ കേശവൻ നമ്പൂതിരി എന്നിവർ അറിയിച്ചു.

➤ SREE KRISHNA TEMPLE

LEAVE A REPLY

Please enter your comment!
Please enter your name here

➤ TOP NEWS

[caldera_form id="CF63f85a038324b"]